Madhurāṣṭakam

Vallabhācārya

(1)
adharam madhuram vadanam madhuram
nayanam madhuram hasitam madhuram
hṛdayam madhuram gamanam madhuram
madhurādhi-pater akhilam madhuram

(2)
vacanam madhuram caritam madhuram
vasanam madhuram valitam madhuram
calitam madhuram bhramitam madhuram
madhurādhi-pater akhilam madhuram

(3)
veṇur madhuro reṇur madhuraḥ
pāṇir madhuraḥ pādau madhurau
nṛtyam madhuram sakhyam madhuram
madhurādhi-pater akhilam madhuram

(4)
gītam madhuram pītam madhuram
bhuktam madhuram suptam madhuram
rūpam madhuram tilakam madhuram
madhurādhi-pater akhilam madhuram

(5)
karaṇam madhuram taraṇam madhuram
haraṇam madhuram smaraṇam madhuram
vamitam madhuram śamitam madhuram
madhurādhi-pater akhilam madhuram

(6)
guñjā madhurā mālā madhurā
yamunā madhurā vīcī madhurā
salilam madhuram kamalam madhuram
madhurādhi-pater akhilam madhuram

(7)
gopī madhurā līlā madhurā
yuktam madhuram muktam madhuram
hṛṣṭam madhuram śiṣtam madhuram
madhurādhi-pater akhilam madhuram

(8)
gopā madhurā gāvo madhurā
yaṣṭir madhurā sṛṣṭir madhurā
dalitam madhuram phalitam madhuram
madhurādhi-pater akhilam madhuram